Tu âs cirût la peraule
monolengâl
torne indaûr

monolengâl

meti in vore loc.v.
Meti materiâl in mût di formâ une struture, une costruzion
esemplis
"chê altre dì o soi stât a Turniçons, indulà che e je stade metude in vore la prime piere de gleseute che la borgade e à volontât di fâ"
gjavât fûr di "Lis predicjis dal muini" di Josef Marchet
"ogni compagnie e à mandât, in turno, de trincee, prime i minadôrs che a àn gjavade la piere, po i scarpelins che le àn scuadrade, po i muredôrs che le àn metude in vore"
gjavât fûr di "La gleseute dai alpins" di Pieri Menis
meti in vore loc.v.
Doprâ o fâ funzionâ alc
sinonims
meti in opare, meti in azion
esemplis
"par vê farine bisugne meti in vore il mulin"
gjavât fûr di "B123ST" di Raffaele Serafini
"chel frut al tire fûr chê mieze pagnoche vanzade e al ti l'è par meti in vore i dincj"
gjavât fûr di "Jacumin e i trê cjans" di Dolfo Zorzut
"al è stât nome metint in vore dute la nestre esperience che o sin rivâts a cjatâ il cjaveç par distrigâ il berdei!"
gjavât fûr di "Donald dal Tiliment" di Stiefin Morat
meti in vore loc.v.
Fâ, passâ de idee ae realizazion o de teorie ae realtât
sinonims
meti in opare, meti in pratiche, meti in at
esemplis
"meti in vore i principis e i orientaments dâts dal Parlament european"
gjavât fûr di "Minorancis linguistichis" di Marc Stolf
"Marc al è plui anzian di noaltris e plui espert di noaltris. Jo mi fidi, e o speri che in gracie di lui o rivarai a meti in vore il Plan dal Rocul"
gjavât fûr di "Memoriis di politiche linguistiche" di Adrian Cescje
meti in vore loc.v.
Fâ esisti, fâ che si realizi
esemplis
"chest an culì a àn tornât a inmaneâ la «parade militâr» a Rome cu la sfilade de trupe ai «fori imperiali». Al jere nûf agns che no le fasevin, che le vevin abolide. Chest an le àn tornade a meti in vore"
gjavât fûr di "Lis mudantis tricolôr" di Riedo Pup
"une oportunitât par meti in vore un vêr cambiament"
gjavât fûr di "“Brexit”, inglês isolazioniscj e scozês europeiscj" di Marc Stolf
torne sù